Portas abertas 27 maio

O sábado 27 de maio teremos um dia cheio de atividades para as crianças!

Visita da Asociaçom Xeracion

Na passada sexta-feira tivemos visita de várias voluntárias da Asociaçom Xeracion , com projetos Erasmus + do Corpo de Solidariedade Europeo.

Eram de distintos lugares: Latvia (Letonia), France (Fráncia), Deutschland/ Germany (Alemanha) e mais Netherlands (Países Baixos).

Practicamos moito inglês e aprendimos como saudar em todas essas línguas. Também figemos jogos de como reciclar e do plástico marinho.

Também as convidamos ao nosso tempo de lezer e probarom o pam de Neda.

Conhecerom o nosso projeto e nós o delas e caminhamos polo bosque porque somos moi aventureiras.

Obrigadas pela visita!

Saída por Ferrol

Este último trimestre está cheio de aventuras!

Ontem 11 de maio as sementinhas passarom o dia em Ferrol.

Lá fumos primeiro a Correos, onde preparamos e mandamos cartas a outras Sementes da Galiza e maravilhamo-nos coas vidrieiras do teito. Tambén aprendimos a recolher um paquete, enviar cartas, o prefranqueo e como solicitar o voto por correio.

Além disso, descobrimos a diferença entre empresa pública e privada e reflexionamos sobre as vantagens dos serviços públicos.

Noutros países, as persoas que moram no rural, tenhem que desprazar-se aos núcleos de populaçom mais grandes para recolher a sua correspondência, já que a empresa privada se nom obtém benefício (levando umha carta a um recuncho moi isolado) nom dá serviço. Isso isola mais, a quem já está isolado. Mentres que Correos chega, ou deve chegar, a todos os recunchos do estado, e permite dar serviço a toda a cidadania, primando o benefício social sobre o benefício puramente econômico.

Acampamento de Verao

Já temos datas para o acampamento deste verao!

Tes todos os dados no cartaz, mas se queres mais informaçom podes contactar em:

📧 escola.trasancos@semente.gal

📞 717 77 90 77

E em breve informaremos da programaçom para todas as semanas. Ficade atentas!

Mês dos livros

O 23 de abril foi o Dia do Livro e na escolinha aproveitamos a semana passada para trabalhar sobre isso.

Aprendemos a buscar os dados dos livros, fizemos bandeirolas e cartazes… e na sexta trocamos as aulas pela biblioteca!

Pre-matrícula na Semente Trasancos

A partires de hoje 1 de março podes inscrever a túa criança na Semente Trasancos para o vindeiro curso. Temos vagas de 3 a 12 anos ‼️‼️

Para inscriçons e mais informaçom:

📞 717 77 90 77

📧 escola.trasancos@semente.gal

Concerto Pan sen Fron

Semente Trasancos e Vai Rañala Meu, organizam o próximo sábado 4 de março no local social de Sedes o concerto de Pan Sen Fron . A entrada é de balde e depois haverá jantar:

💶 8€ o menú

🍲 A escolher entre calhos onívoros ou veganos + sobremesa

📞 Reserva o teu no 655671956

E nom esqueças traer o teu instrumento porque ao rematar teremos foliada!!

Portas abertas 28 fevereiro

Já temos data!

Se estás interessada em conhecer o nosso projeto educativo, na próxima terça-feira 28 de fevereiro podes vir à nossa escola e respostaremos as tuas dúvidas.

Para nos organizarmos precisamos saber quem vem e a idade das crianças. Por isso, se estás interessada podes-te inscrever em:

📞 717 77 90 77

📧 escola.trasancos@semente.gal

E se esse dia nom podes vir, contata-nos pelos mesmos meios e procuraremos umha soluçom.

A pré-inscriçom será a partir do 1 de março e teremos vagas para crianças de 3 a 12 anos.

Portas abertas 2023

Entroido 2023

Estamos em plenas férias de entroido e apesar de nom haver aulas nestes dias, aproveitamos as semanas passadas para festejar.

Na segunda-feira do 30 de janeiro tivemos o nosso “domingo” faraleiro. Algumhas crianças nom quixerom manchar-se mais todas desfrutamos moito brincando e vendo as nubes de farinha que se formarom no campeiro.

Domingo faraleiro na Semente Trasancos.

Pouco a pouco fomos explorando as diferentes celebraçons da Galiza e tambén houbo tempo para o “domingo” oleiro, no que nós divertimos muito brincando coa argila.

Domingo oleiro na Semente Trasancos

Sessom vermute das Rumorosas

O domingo 12 de fevereiro estaremos na sessom vermute organizada pela Asociación Veciñal de Canido e Maquinarias Teatro

Estaremos a cargo do ambigú e teremos paelha para todos os gostos.

Vémonos alí?

🗓 12 de fevereiro

🕑 14h00 a 16h00

📍 Centro cívico de Canido, Ferrol

Page 1 of 2

Powered by WordPress & Theme by Anders Norén